حدوتة الخاتم

كان يا ما كان فى أمورة وعسولة وسكرة وست الستات واحلي البنوتات ،،اسمها سمسمة  وسمسمة  فى يوم شعرت بالضيق والحزن لانها كل ما تعمل حاجة  اصحابها يسخروا منها وكل ما كانت تيجى تقولهم على حاجة مفيدة ينهروها ويقولولها وانتى ولا فى حاجة بتقوليها او تعمليها صح   ويلوموا عليها فشعرت فجأة ان كل من حولها يلوم عليها اقوالها وافعالها 

 فذهبت سمسمة  لشيخ المدينة وتسأله انه يساعدها ويدلها على عمل أو قول يخلى اصحابها والناس يعرفوا انها بتعمل حاجات مفيدة ولها معنى وقيمة لانهم بيلوموا عليها انها ولا حاجة بتعملها أو بتقولها صح فاعتذر منها الشيخ وتعلل انه كمان عنده مشكلة ومحتاج اللى يساعده فى حلها وانه مش فاضى ولكن وعدها انه أول ما ينتهى من حل مشكلته وضائقته يساعدها فى حل مشكلتها ثم سألها ان كانت تستطيع ان تساعده فى حل مشكلته ولا لا

 فسألته  ازاى تقدر تساعده فحكى لها انه فى ضائقة مالية ومحتاج  لبيع الخاتم الذى فى يده وطلب منها عرضه فى المدينة ولا تبيعه بأقل من سبيكة ذهبية

 وفعلا طارت سمسمة  على المدينة وقبل وصولها للسوق وجدت بعض التجار فعرضته عليهم للبيع فكان بعضهم يضحك والبعض الاخر يدارى وجهه ويسخر منها ولكن واحد منهم فقط وقف معاها وقالها ان سبيكة ذهبية كتير جدا عليه وانه ممكن يعطيها سبيكتان فضيتان ثمنا للخاتم فرفضت سمسمة  انها تبيع الخاتم

 ورجعت  سمسمة  للشيخ وقالتله ان الخاتم لم يساوى الا سبيكتان فضيتان بس فصمت الشيخ فترة وفكر ثم قال اذن حتى لا نضل ينبغى علينا اننا نعرف ثمن الخاتم الحقيقى ومن هنا نستطيع بيعه
وطلب منها الذهاب الى الصائغ لمعرفة ثمن الخاتم وهو فى اطراف المدينة وهورجل تقى يخاف الله ومؤكد هيقول على ثمنه الحقيقى

 وفعلا ذهبت سمسمة  للصائغ واعطته الخاتم وبدأ الصائغ فى اختبار الخاتم ثم نظر اليها وقال ...قولى للشيخ انى لا استطيع منحه فى الخاتم أكثر من 58 سبيكة ذهبية صرخت سمسمة  بدهشة 58 قطعة !!!!مش ممكن   !!  مستحيل فرد الصائغ ....لو كان لايحتاج للنقود فورا ..وإذا اننتظرنا قليلا ..من الممكن ان يصل الى 60 سبيكة ذهبية فجرت سمسمة  بسرعة للشيخ وهى لا تستطيع اخذ انفاسها لتحكى له وتبشره برد الصائغ ضحك الشيخ ....قال وهو يضع الخاتم مرة اخرى فى اصبعه انت ياسمسمة  ...مثل هذا الخاتم  ..فى يوم ما سيأتى من يعرف قدرك الحقيقى

وانا باقولك انه مش 60 او 600 سبيكة ذهب ،،،انت تستاهلي روحي وهي قليلة جدا عليك