العصفور ابو منقار
طويل بيقول :-
لماذا يجب أن نكون
موضوعيين في التعامل مع الإنقلاب ؟ يوم 3 يوليو وقبل خطاب السيسي بساعات جمعتني (
العصفور) عدة لقاءات في رابعه بشخصيات ضالعه في العمل العام وذات مشورة ورأي وقرار
، أحدهم وكان عضواً معروفاً بالبرلمان أغلق الهاتف بعد مكالمه استمرت حوالي 30
دقيقه وعلي وجهه علامات الإرتياح وقال لنا لا تقلقوا الناس بتقول الدنيا زي الفل
وتحت السيطره . كان في حاله عجيبه وغير مفهومه من الثقة والإطمئنان . المشكله إن
الحاله دي بتتكرر دلوقتي بنفس الطريقه وبتعمي الناس عن اي تقييم موضوعي وواقعي للي
بيحصل في الشارع . جمل من قبيل : الإنقلاب بيقع وبيموت وبيتراجع ،، السيسي محتاس
ومش عارف يعمل ايه وبيتصلوا بالناس عشان يقعدوا يتفاوضوا كل شويه ، في خطه عشان
الانقلاب يسقط في 6 اشهر ، يوم 25 يناير هو اليوم الأخير للإنقلاب واحنا مستعدين
لكدا ، وغيرها كتير من الكلام الي بيرجعنا لنقطة الصفر ألف مره ! الواقعيه مش يأس
ومش إحباط ، الواقعيه حاله مهمه عشان تقدر تفهم وتخطط صح . الانقلاب مش هيسقط قريب
، و25 يناير مش نهاية الانقلاب ، والسيسي ما ماتش ومش بيحاول يتفاوض ، والي بيحصل
دلوقتي ولا حاجه من الي هيحصل مستقبلاً . احنا داخلين علي ايام سودا بمعني الكلمه
فعلاً ، ولازم نستعد ليها بشغل بجد بعيداً عن التمنيات العجيبه المسكنه . لو مش
مستعد تستوعب ان الصراع دا ممكن يمتد لسنوات وإن الوجه الصعب منه لسه ما ظهرش يبقي
بتضحك علي نفسك ، عايز تسكن نفسك براحتك ، عايز تسمع كلام الناس الي بيقولوا لك
الانقلاب يتهاوي برضو براحتك . بس افتكر ان الناس دول هما نفس الناس الي كانوا
بيقولوا لك السيسي في جيب مرسي والناس فوق عارفين هما بيعملوا ايه كويس اوي . دا
صراع صفري ، صراع وجود ، صراع نهاية الدوله العسكريه في مصر ، دي ثورة بجد وهتكون
صعبه علي قدر النتايج الي احنا عايزينها منها ، ثوره عايزه رجاله
